స్టార్ మా టీవీలో ప్రసారమవుతున్న సీరియల్ 'ఇల్లు ఇల్లాలు పిల్లలు'(Illu illalu pillalu).ఈ సీరియల్ మంగళవారం నాటి ఎపిసోడ్ -97 లో..... భాగ్యం వాళ్లు పక్కింటి అతని కార్ లో రామరాజు ఇంటికి వెళ్తారు. రామరాజుని పోలీసులు అరెస్ట్ చేసి తీసుకొని వెళ్తుంటే.. అప్పుడే ధీరజ్ ప్రేమ వాళ్ళు నగలు తీసుకొని వస్తారు. గడువులోగా నగలు తీసుకొని వచ్చామని ధీరజ్ సీఐతో చెప్తాడు . ఇక కళ్యాణ్ దగ్గర నుండి ధీరజ్ నగలు తీసుకున్న విషయం గుర్తు చేసుకుంటాడు. ప్రేమ నగలు తీసుకొని వచ్చి భద్రవతికి ఇస్తుంది. ప్రేమ ఇప్పటికైనా ఇక్కడికి రా.. వాళ్ళు మంచి వాళ్ళు కాదని భద్రవతి అంటుంది. ఏం జరిగిందో మీకు తెలియదు.. నేను చెప్పుకోలేనని ప్రేమ బాధపడుతూ.. ధీరజ్ వాళ్ల దగ్గరికి వెళ్తుంది.

ఇప్పటికైనా మా నాన్న పరువు తియ్యడం ఆపండి. నేను అసలు ఊరుకోనని భద్రవతి వాళ్ళకి ధీరజ్ వార్నింగ్ ఇస్తాడు. దాంతో సీఐ భద్రవతి దగ్గరికి వెళ్లి కేసు కొట్టివేస్తున్నామని చెప్పి వెళ్ళిపోతాడు. అప్పుడే భాగ్యం వాళ్ళు వస్తారు. ఏంటి అందరు బయటున్నారని అడుగుతారు. రామరాజు ఇబ్బంది పడుతుంటే.. మా కోసమే కదా అని భాగ్యం అంటుంది. అందరు ఇంట్లోకి వెళ్తారు. ఈ ఇల్లు మీదేనా బాగుంది.. బానే సంపాదించారు కదా అని అని భాగ్యం అనుకుంటుంది. ప్రేమ, ధీరజ్ లు లని భాగ్యం చూసి ఎవరు వీళ్ళు అని అడుగుతుంది. రామరాజు సైలెంట్ గా ఉండడంతో నా చిన్న కొడుకు కోడలు అని వేదవతి చెప్తుంది.

ఏం చేస్తున్నావని  ప్రేమని భాగ్యం అడుగగా.. చదువుకుంటున్నానని ప్రేమ చెప్తుంది. చదువు ఖర్చు ఎవరు పెడుతున్నారు. మీ మావయ్య గారేనా.. మీ వాళ్ళా అని భాగ్యం అడుగుతుంది. దాంతో ప్రేమ సైలెంట్ గా ఉంటుంది. తరువాయి భాగంలో ధీరజ్ భోజనం చేస్తుంటే.. నా కష్టార్జితం ఎలా తినాలనిపిస్తుంది.. ఇక నుండి మీకు నాకు ఎలాంటి సంబంధం లేదని రామరాజు అంటుంటే.. ప్రేమ, ధీరజ్ లు బాధపడతారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.